نقــابة المعلمين العراقيين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
نقــابة المعلمين العراقيين

منتدى المعلمين العراقيين فرع البصرة - قطاع الزبير


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

قصيدة للمبدع جبار رشيد

اذهب الى الأسفل  رسالة [صفحة 1 من اصل 1]

1قصيدة للمبدع جبار رشيد Empty قصيدة للمبدع جبار رشيد الأربعاء يونيو 02, 2010 1:59 pm

فوزان123



قصيده غزليه للشاعر جبار رشيد
يقول
.........
ساكت شرد اكلك
هو ضل السان
عندي وبيه اسولف واعترف معجب

شفتك من بعيد
وخذت كلشي وياك
انه ادري اشراح تاخذ مني من تكرب
***
ما مرتاب منك
بس احس بخوف
وبعيونك احس كل نضرة الك مطلب

يبو عيون الصكر
سابينه من مرتاح
نطي وجوهنا لا وين من تغضب

على كيفك وياي
وشوفني بيا حال
تعبني العشك ما بي بعد اتعب

يابس زرع روحي
وضامة امن النار
ونارك بالزرع شيكضها من تنشب

***
تحيرني البرائه
اشما افكر بيك
ما اعرفك صدك وياي لو تلعب

الغريبة البيك توك
ما تعرف الشوك
وشلته حال كلبي البيك هي اغرب

بسهل طبيت كلبي
وما كلتلك وين
يالشايل كلب للموت ما ينطب
***
ما احبك بعدني
وكلشي بيدك صار
جا ..شيضل علي .. لو من ..صدك تنحب

***
مو مثل البشر
لا عمي عشكك موت
موت وشلي بيه ما منه كل مهرب

انت الحلوة بيك
اشكد صعب وياي
وانه الحلوة بي وياك ما اصعب
***
متناسبني كلي
حتى اضل مرتاح
متناسبني اشوفن هذا حل انسب

ما احبك لان
ما شفت هيج اوصاف
والكلك اوصفك نافق وجذب

***
ملعب للجمال
او وحدك اللاعوب
وبحسنك صرت لاهل المثل مضرب

وعيونك بيارغ
هوست عالناس
(((احنه الاسسنه الملعب واحنه النلعب بي)))
واشحدة اليطب وباك للملعب

***
تبين من بعيد
اشما مشو وياك
حجر هم وصرت من دونهم كهرب


تسب الناس
كل خطوة جدم عالكاع
من تنسب اذا لتضوج من تنسب

****
معقولة انت اكلك
اكل هاي الناس
ونفس الماي تشرب منه من تشرب

كل لاهلك دخيلك
خلهم يضموك
انت الماكو منك خاف لا تخرب

ومن يكثر المثلك
خلهم يطلعوك
بلكي تضيع لمن بالشبه تنذب

***
لتخليني احبك
بي الف فلاح
يربات المدينة ارجوك لا تكرب

طير القرية روحي
يخاف الولايات
السطوح تصيح بيه لو عالمدن يجهب

طير القرية روحي
وما يعرف هواي
ومن كتر البيادر من يلكط حب
*****
الشاعر الكبير
جبار رشيد

الرجوع الى أعلى الصفحة  رسالة [صفحة 1 من اصل 1]

مواضيع مماثلة

-

» قصيدة باب الكَلوب

صلاحيات هذا المنتدى:
لاتستطيع الرد على المواضيع في هذا المنتدى